तामाङ लेख रचना
 |
| Sunsan Tamang Pakhrin |
स्योङ-गान्धिला क्युइराङ,ब्योइसी निबा चु
जोवनरी
छुनालाई मोक्कोन डिक्सी,तिरेम निबा चु
जोवनरी
सेमरी दुङाल् मुसाइनोन्,आज्याबा ह्याङ्दा
तासाइनोन
सेमताम देब्सी फान्नलाइ,तिरेम बिबा चु
जोवनरी
तिरेम केवा किन्बा चु ल्हुईदा,तिल्दा ब्याङ्से खेरोरी
आज्याबा खाल्दाइ आपाङ्गे,तिरेम सिबा चु
जोवनरी
टुङ्ना-डम्फु ह्राप्सीनाम,ह्याङ्लान ग्योइव्हाइ कोसिनाम्
म्हिलुइ केबामी नेबारी
चु ल्हुइ केजिम क्राबारी
एसेम क्राना लासाइनोन
गुनासो आरे चु सेमरी ।
गोङ्मा ङाइ छार् पोबारी
छ्यम्नोन एदाइ बोर्बारी
आब्रामा ङ्यान्दे ङादेम छ्याम्
छार् ग्याम एसे सोजिमाम ।
मायाला छो ङाइ रिम्जी
रिम्बाला सट्टारी
ब्राजिम ए टाङ्बारी
टाङ्नोन टाङ्जी आखिररी ।
ब्रान्बा म्हिदा गादे गाह्रो
दुङाल् गो आँखाम्जी
ङाइमी एदाम सेम पिन्बाम
दुङाल्ला ग्योइरी हुइपिन्जी ।
पुजुसे एदा ब्लोसामी
चु तिङरी सुशेर् खामुला
मिख्लीला ग्योइरी ङा ब्योङमा
नेसी स्यासी टिजिम् ए ।
डेनमुला तिङरी ब्लोसाइनोन
आज्याबा दुङाल् पिन्साइनोन
ल्हानान एला छे रेङगाइ
लाबा लुङ्सुरसे आबोर्गाइ ।
आब्रान्बा आहिन ङाइ एदा
एनोन गाइजिम खाबारी
या चुङ्बारी आपिन्बा
आहिन ङाइ एदा एनोन
फ्याङजिम ब्याब फुइसी ।
साभारः Bhim Dong Tamang
तामाङ ग्योइदा माया लाबा
मोक्कोन छामे ब्योन दोर्जे
ह्राङ्लान रीमठीम छार्नालाअी
ह्राङलान ग्योइदा ज्येनालाअी...........।।
आज्याबा ठीमदा पोबारी
ह्याङ गोरगीक तादोला
छयाम ब्राबा ह्रो पाब्सामी
गी थेम गीसे या तेन्दोला....................।।
सेमरी ठुक दुङाल मुसाइनोन
फ्याङबा नाम्गेला सेम थोगे
आज्याबा ह्याङदा तासाइनोन
लानीदिनी ह्राङलासी ह्याङ फेगे..............।।
Comments
Post a Comment
TAMANG HYULLA PARIWAR