तामाङ ग्योइला थुमरि गोर्गिक डान्तोबा रे

साभार:- Sanchu Blon Tamang

तामाङ ग्योइला थुमरि गोर्गिक डान्तोबा रे |

तिनी कातिर्क १ गते । तामाङ लेखनला ऐतिहासिक रे हिन्ना । तामाङ ग्योइ लेखन दिवस बिसी दाङ्बा प्रस्ताव तामाङ साहित्य एकेडेमिसे चु ङच्छान लाबा मुला । चु प्रस्तवा निबा दिङ ङि ङाच्छान एकेडेमिसे लाबा हिन्ना । बि.स १९८९ कार्तिक १ सोमबार कुनु गोर्खापत्र स्योस्योरि तामाङ ग्योइला गिक्छा थेन आधिकारिक प्रकाशन ताबा मुबा । थे दुइरि तामाङ ग्योइरि तत्कालिन ग्रेनलोन्पोला भाषण दा गोर्खापत्र स्योस्यो छिबाला मुबा ।

तिनी बिमा बोगाल ब्लिसे ङि (८२) दिङ ङाछा तत्कालिन ग्रेनलोन्पो जुद्धशम्सेर राणासे वि.सं. १९८९ अशोज ३१ गते पिन्बा भाषण ला सारदा ल्होलोल्होलो आमाग्योइरि मुबा ।

‘तामाङ ग्योइरि न ब्रि, तामाङ ग्योइदा सोनालाइ बिबा नाराला छ्यामरि तिनी सामाजिक

सन्जलका देरि तामाङकादेसे सन्देश प्रभाह लासि चिबा मुला । तामाङ लेखन आन्दोलन

ङाच्छा बोर्गे, तामाङ ग्योइरिन साहित्य सिर्जना,आमाग्योइला विकासरि बो किन्गे, तामाङ

ग्योइ छार पुस्तादा हस्तान्तरण दा’ बिबा नाराला छ्यामरि तिनीला रेदा तामाङ

ग्योइ थेन ग्योइकाइदा क्षेत्र रि गे लाबाकादेसे डान्बाला मुला । थे दुइ हेन्से तिबा तामाङ ग्योइ लेखन थेन प्रकाशसन से ल्हानान फड्को लासी जिन्बा मुला । दात्ते दोना तामाङ ग्योइ थेन ग्योइकाइला थुम्रि छ्योआछ्यो ग्यार्जगिक छ्योइकादे थोन्सिजिन्बा मुला । छापारि जेक्खेन आताना विद्युतिय सन्चारमाध्याम, रेडियो, एफ. अनलाइन थेन टेलिभिजनरी तामाङ ग्योइसे ग्याल याङसि चिबा मुला । पृथ्वी नारायाण शाहला दुइरि लाबा कथित राज्य एकिृकरण थेन थेसे काप्पा ‘एक भाषा’ला नितीला कारण तामाङ ग्योइसे ह्रेङ्बा दुइदोना खारे ख्रेन्ला आम्याङसाइ स्यान्दोला च्यासि तामाङ ग्योइ छोम्बोन मुला ।

Posted by तामाङ ह्युल्ला परिवार

सुनसान तामाङ पाख्रिन

(Sunsan Tamang Pakhrin)